Húrmetli Prezidentimizdiń 2026-jıl 24-fevral kúni Kóksaray rezendiciyasında bolıp ótken jaslar menen ushırasıwında hár hápteniń piyshembi kúni barlıq ministrlik, uyımlar hám hákimliklerde “Jaslar kúni” dep belgilengen edi. Usı ilajlar sheńberinde búgin Taxtakópir rayonı Mádeniyat bólimi baslıǵı Serikbay Pirjanov tárepinen “Qostruba” MKPJ aymaǵında jasawshı jaslar menen “Basshı hám jaslar” atamasında ushırasıw ótkerildi. Ushırasıwda jaslardıń bos waqıtın mazmunlı shólkemlestiriw, sonday-aq, jaslar arasında watanparwarlıq sezimlerin bekkemlew máseleleri haqqında pikir almasıldı. Ushırasıw ashıq sáwbet túrinde ótip, jaslar ushın paydalı keńesler hám usınıslar menen dawam etti.



