
Ilajda rayon hákiminiń orınbasarı Sh.Bekturǵanov shıǵıp sóylep, jıynalǵanlardı usı qutlı sáne menen qızǵın qutlıqladı.

Búgin Taxtakópir rayonı Mádeniyat orayında 1-dekabr – Qaraqalpaq tiline mámleketlik til biyligi berilgenliginiń 36 jıllıǵı múnásibeti menen saltanatlı bayram ilajı bolıp ótti.
Ilajda rayon hákiminiń orınbasarı Sh.Bekturǵanov shıǵıp sóylep, jıynalǵanlardı usı qutlı sáne menen qızǵın qutlıqladı. Ol óziniń shıǵıp sóylegen sózinde qaraqalpaq tiline mámleketlik til biyligi beriliwi xalqımızdıń milliy ózligin bekkemlew, mádeniy miyrasın qádirlew hám ruwxıy qúdiretin jáne de joqarılatıw jolındaǵı áhmiyetli tariyxıy qádem bolǵanın ayrıqsha atap ótti.
Bayram baǵdarlaması sheńberinde jergilikli kórkem óner sheberleri tárepinen kórkem shıǵıwlar hám qosıqlar atqarılıp, ilaj qatnasıwshılarına jáne de kóterińki keypiyat baǵıshladı.

