Jańa jıl bayramı insanlardı jaqsı arzıwlar, jaqsı niyetler hám jańa úmitler menen birlestiretuǵın qutlı áyyyamlardan esaplanadı. Usı múnásibet penen búgin rayonlıq Mádeniyat orayı janında bayramǵa tán bezelgen shırsha átirapında saltanatlı bayram keshesi shólkemlestirildi.
Ilajda rayon hákiminiń birinshi orınbasarı K.Dauletov sózge shıǵıp, jıynalǵanlardı kirip kiyatırǵan Jańa jıl menen qutlıqlap, bárshege bekkem densawlıq, shańaraqlıq abadanlıq hám jańa jılda áwmetler tiledi.
Bayram baǵdarlaması dawamında kewilashar oyınlar, saxnalıq shıǵıwlar, kewilli qosıqlar hám tamashalar kórsetilip, qatnasıwshılarǵa kóterińki keypiyat baǵıshladı.



